‘అంటే సుందరానికి’ సినిమాతో సెన్సేషనల్ అయిపోయిన మలయాళ ముద్దుగుమ్మ నజ్రియా ఫహాద్ ఇప్పుడు కొత్త అవతారమెత్తబోతోందట. తమిళ స్టార్ హీరోల్లో ఒకరైన సూర్య సినిమాలో విలనిజం చూపించేందుకు సిద్ధమవుతోందట. 

‘కంగువ’ అనే ప్యాన్ ఇండియా చిత్రంలో ప్రస్తుతం సూర్య నటిస్తున్నారు. ఈ సినిమాని ఆయన కెరీర్‌లోనే భారీ బడ్జెట్ చిత్రంగా తెరకెక్కిస్తున్నారు. బాలీవుడ్ నటుడు విజయ్ వర్మ ఈ సినిమాలో మరో విలన్ పాత్రలో కనిపించబోతున్నాడనీ సమాచారం.

అయితే, లేడీ విలన్ రోల్ ఈ సినిమాలో ప్రత్యేకంగా డిజైన్ చేశారట. ఆ రోల్ కోసం నజ్రియా ఫహాద్‌తో సంప్రదింపులు చేస్తున్నారనీ ప్రచారం జరుగుతోంది. 

ఆమె కూడా ఈ విభిన్నమైన పాత్రలో నటించేందుకు సిద్ధంగా వుందనీ కోలీవుడ్ సమాచారం. ఒకవేళ అదే నిజమైతే మళ్లీ నజ్రియా పేరు మార్మోగిపోవడం ఖాయం. చేసినవి తక్కువ సినిమాలే అయినా ఎందుకో మరి, నజ్రియాకి ఎక్కడ లేని క్రేజ్.!