క్రేజీ గేమ్ షో బిగ్‌బాస్ ఏడో సీజన్ ఈ సారి కాస్త ఆసక్తికరంగానే సాగుతోందని చెప్పొచ్చు. ఈ క్రమంలో ఇంతవరూ 14 మంది కంటెస్టెంట్లు హౌస్‌లోకి ఎంట్రీ ఇచ్చారు. ‘ఉల్టా ఫుల్టా’ అంటూ ప్రచారం చేసిన ఈ షోలో ఇంతవరకూ జరిగినట్టుగా అస్సలు జరగదనీ, అంతా కొత్తగా వుంటుందనీ, ఏది అనుకుంటే దానికి రివర్స్‌లోనే జరుగుతుందని హోస్ట్ నాగార్జున ప్రమోట్ చేశారు.
అందులో భాగంగానే ఇంతవరకూ ఇంట్లో వున్న 14 మంది కన్‌ఫామ్ కంటెస్టెంట్లు కాదని చెప్పారు. గత వారం సందీప్ మొదటి సభ్యుడిగా ఎంపికయ్యాడు. ఈ వారం రెండో సభ్యుడి కోసం టాస్కులు జరుగుతున్నాయ్. ఆ పోటీలో శివాజీ, షకీలా, అమరదీప్ పోటీ పడుతున్నారు.
పోటీ అయితే ముగిసింది. ఫైనల్ డెసిషన్ మాత్రం శనివారం వీకెండ్ ఎపిసోడ్‌లో నాగ్ కన్‌ఫామ్ చేస్తారు. ఈ గెలుపుతో హౌస్‌లో రెండో సభ్యుడిగా కన్‌ఫామ్ అవ్వడంతో పాటూ, నాలుగు వారాలు ఇమ్యూనిటీ.. ఆల్రెడీ నామినేషన్‌లో వుంటే, సేఫ్ అవ్వడం జరుగుతుంది విన్ అయిన కంటెస్టెంట్. 
ఆ ఛాన్స్ శివాజీ, షకీలా, అమరదీప్‌లలో ఎవరికి వస్తుందో తెలియాలంటే వీకెండ్ ఎపిసోడ్ బిగ్‌బాస్ వీక్షించాల్సిందే.!