టాలీవుడ్‌లో శ్రీలీల ప్రస్తుతం స్టార్ హీరోయిన్‌గా చెలామణీ అవుతోంది. స్టార్ హీరోయిన్ అనే కన్నా.. క్రేజీ హీరోయిన్ అనాలేమో. బ్యాక్ టు బ్యాక్ ప్రాజెక్టులు సొంతం చేసుకుంటోంది.
అయితే, ఇంతవరకూ ‘ధమాకా’ సినిమా మాత్రమే శ్రీలీల కెరీర్‌ బిగ్గెస్ట్ హిట్. ఈ సినిమాతోనే ఈ రేంజ్ క్రేజ్ దక్కింది శ్రీలీలకి. ఇప్పుడీ సినిమాతోనే ఉత్తమ నటి అవార్డు కూడా దక్కిచేసుకుంది శ్రీలీల.
అసలే బోలెడంత క్రేజ్ నడుస్తోంది ప్రస్తుతం ఈ తెలుగమ్మాయ్‌కి. ఇక, ఉత్తమ నటి అవార్డు కూడా దక్కిందంటే, ఇంతకన్నా ఎంకరేజ్‌మెంట్ ఇంకేముంటుంది.
తాజాగా ప్రకటించిన సైమా అవార్డుల్లో శ్రీలీలకి ‘ధమాకా’ సినిమాలో హీరోయిన్‌‌కి గాను ఉత్తమ నటి అవార్డు దక్కించుకుంది. అయితే, శ్రీలీలకి ఈ అవార్డు దక్కడం పట్ల భిన్నమైన వాదనలు వినిపిస్తున్నాయ్.
ఈ సినిమాలో హీరోయిన్ పాత్ర చాలా రెగ్యులర్‌గా వుంటుంది. జస్ట్ ఓ కమర్షియల్ హీరోయిన్ పాత్ర అంతే అది. అలాంటిది.. శ్రీలీలకు ఈ సినిమాతో ఉత్తమ నటి అవార్డు దక్కడమేంటని కొందరు మేథావులు విమర్శిస్తున్నారు.