మస్కట్: మినిస్ట్రీ ఆఫ్ హయ్యర్ ఎడ్యుకేషన్, రీసెర్చ్ అండ్ ఇన్నోవేషన్, ICEF ఫౌండేషన్ మరియు గల్ఫ్ కాన్ఫరెన్స్ ఫౌండేషన్ ఈరోజు ఒక సహకార ఒప్పందంపై సంతకం చేశాయి. దీని ద్వారా ఫిబ్రవరి 2024లో మస్కట్‌లో ICEF మిడిల్ ఈస్ట్ స్కాలర్‌షిప్ ఫోరమ్‌కు ఒమన్ ఆతిథ్యం ఇవ్వనుంది. ఈ ఒప్పందంపై ఉన్నత విద్య, పరిశోధన మరియు ఆవిష్కరణల మంత్రి డాక్టర్ రహ్మా ఇబ్రహీం అల్ మహ్రూఖీ, ఇంటర్నేషనల్ ICEF నెట్‌వర్క్‌లో చీఫ్ విజనరీ ఆఫీసర్ ఆంథోనీ లీ.. గల్ఫ్ కాన్ఫరెన్స్ ఫౌండేషన్ CEO డాక్టర్ అబ్దుల్ ఖలేక్ మహమ్మద్ సంతకాలు చేశారు. ఈ కార్యక్రమంలో మస్కట్‌లో ICEF మిడిల్ ఈస్ట్ స్కాలర్‌షిప్ ఫోరమ్ కోసం వెబ్‌సైట్‌ను ప్రారంభించారు.