యూఏఈ: ప్రవక్త ముహమ్మద్ (సల్లల్లాహు అలైహి వసల్లం) జన్మదినాన్ని పురస్కరించుకుని షార్జా ప్రభుత్వం అధికారిక సెలవు తేదీలను ప్రకటించింది. సెప్టెంబర్ 28న ప్రభుత్వ రంగ ఉద్యోగులకు వేతనంతో కూడిన సెలవు లభిస్తుంది. షార్జా ప్రభుత్వ ఉద్యోగులకు 3-రోజుల వారాంతపు సెలవు (శుక్రవారం నుండి ఆదివారం వరకు) లభించినందున, వారికి సెలవుదినం నాలుగు రోజుల వారాంతంగా ఉండనుంది. అక్టోబరు 2వ తేదీ నుంచి ఉద్యోగులు విధుల్లో చేరనున్నారు. యూఏఈలోని ఫెడరల్ ప్రభుత్వ ఉద్యోగులు, ప్రైవేట్ రంగ ఉద్యోగులకు సెప్టెంబర్ 29న ఒక రోజు సెలవు లభిస్తుంది. డిసెంబర్ 2, 3వ తేదీలలో వీకెండ్ సెలవులు ఉన్నాయి.