చాలా మందిలో అజీర్తి సమస్యలు సర్వ సాధారణం. జంక్ ఫుడ్ ఎక్కువగా తీసుకోవడం, లేట్ నైట్ నాన్‌వెజ్ ఐటెమ్స్ గట్టిగా లాగించేయడం.. ఇలా వేర్వేరు సందర్భాల్లో అజీర్తి సమస్యలు వేధిస్తుంటాయ్.

మరి వీటిని తాత్కాలికంగా తగ్గించేసుకోవడం కోసం.. ఈనో తదితర ప్రత్యామ్నాయాల్ని వినియోగిస్తుంటాం. అప్పటికప్పుడు ఉపశమనం కలిగించినప్పటికీ ఇవి దీర్ఘ కాలం ఆరోగ్యంపై తీవ్ర ప్రభావాన్ని చూపిస్తుంటాయ్.

అందుకే ఈ సమస్యలకు శాశ్వతంగా చెక్ పెట్టేందుకు కొన్ని ఇంటి చిట్కాలు బాగా ఉపకరిస్తాయ్. అందులో ముఖ్యమైన ఇంగ్రీడియంట్ జీలకర్ర.

జీలకర్రను నీటిలో నానబెట్టి ఆ నీటిని ప్రతీ రోజూ పరగడుపున తాగితే, ఎటువంటి అజీర్తి సమస్యలూ దరి చేరవని నిపుణులు చెబుతున్నారు. ఈ జీలకర్ర కషాయం ఏ వయసులో వారైనా నిరభ్యంతరంగా తాగొచ్చు. అజీర్తి సమస్యలతో పాటూ, మలబద్ధకం వంటి సమస్యలు కూడా తీరిపోతాయ్.

జీలకర్ర ప్లేస్‌లో వామును కూడా వినియోగించవచ్చు. అల్లం రసం కూడా మంచి ఫలితం ఇస్తుంది. అలాగే ఇంగువాను నీటిలో కలిపి తీసుకున్నా ఆయా జీర్ణ సమస్యలు సులువుగా తగ్గించుకోవచ్చు.