బహ్రెయిన్: SR500 విలువైన నకిలీ సౌదీ రియాల్ నోట్లను చెలామణి చేసినందుకు దోషిగా తేలిన ఒక ఆసియా వ్యక్తికి ఒక సంవత్సరం జైలు శిక్ష విధించారు. అలాగే బహ్రెయిన్ నుండి శాశ్వతంగా బహిష్కరించాలని కోర్టు ఆదేశించింది. 2023లో బహ్రెయిన్‌లోకి నకిలీ కరెన్సీని తీసుకొచ్చి రెండు వాణిజ్య దుకాణాల్లో లావాదేవీలకు వినియోగించినట్లు నిందితుడిపై ఆరోపణలు ఉన్నాయి. ఒక సూపర్ మార్కెట్‌లోని ఒక ఉద్యోగి అనుమానితుడు SR500 చెల్లించి BD3.5 విలువైన బియ్యాన్ని కొనుగోలు చేసినట్లు నివేదించినప్పుడు ఈ విషయం వెలుగులోకి వచ్చింది. అయితే ఆ కరెన్సీ నకిలీదని సదరు ఉద్యోగి గుర్తించారు. నిందితుడు పారిపోయేందుకు ప్రయత్నించగా పట్టుకుని పోలీసులకు అప్పగించారు.