బహ్రెయిన్: మరో గల్ఫ్ దేశం నుండి బహ్రెయిన్‌కు వెళ్లే విమానంలో ఒక యువతితో పరిచయం ఏర్పరచుకోవడానికి ప్రయత్నించిన ఒక ఆసియా వ్యక్తి ప్రస్తుతం జైలులో ఉన్నాడు. అతను తన ఫోన్ నంబర్,  ఆమెతో కమ్యూనికేట్ చేయాలనే కోరికను వ్యక్తం చేస్తూ సందేశాన్ని తెలిపేలా ఒక నోట్ ని పంపాడు. అయితే, విమానం దిగగానే బాధితురాలి తల్లి ఫిర్యాదు చేయడంతో అతన్ని అధికారులు అదుపులోకి తీసుకున్నారు. కేసును విచారించిన దిగువ క్రిమినల్ కోర్టు తీర్పును ధృవీకరిస్తూ బహ్రెయిన్ కాసేషన్ కోర్టు తుది తీర్పును వెలువరించింది. నిందితుడికి ఒక నెల జైలు శిక్ష, దేశం నుండి శాశ్వత బహిష్కరణ విధించింది. బహిరంగ ప్రదేశంలో బాలిక గౌరవానికి భంగం కలిగించే చర్యకు పాల్పడ్డారని, నైతిక అవినీతికి పాల్పడినట్లుగా కూడా నిందితుడిపై అభియోగాలు మోపారు.