పంచదారతో పోల్చితే బెల్లం వాడకం ఆరోగ్యానికి మంచిదని పెద్దవాళ్లు చెబుతుంటారు. అవును నిజమే, బెల్లంలో ఐరన్ పుష్కలంగా లభించడంతో పాటూ, అనేక రకాల ఆరోగ్య ప్రయోజనాలున్నాయ్.

ముఖ్యంగా బెల్లీ ఫ్యాట్ తగ్గించుకోవడానికి బెల్లం చాలా ఉపయోగకరం అని అంటున్నారు. డైలీ టీ తాగే అలవాటుంటుంది చాలా మందిలో.

టీలో చక్కెరకు బదులు బెల్లం వాడితే ఆరోగ్యానికి కలిగే మేలు అంతా ఇంతా కాదు. ప్రతీ రోజూ క్రమం తప్పకుండా బెల్లం టీ తాగేవారిలో పొట్ట చుట్టూ వున్న కొవ్వు కరిగిపోతుందట. అదే బెల్లీ ఫ్యాట్. 

అలాగే మరో ముఖ్యమైన అంశం.. మైగ్రేన్ సమస్యకు ఎన్ని మందులు వాడినా ఫలితం లేకపోతే.. బెల్లం టీతో చెక్ పెట్టేయొచ్చని నిపుణులు చెబుతున్నారు. 

మైగ్రేన్ సమస్య వున్ వాళ్లు చక్కెర జోలికి అస్సలు పోరాదని కూడా హెచ్చరిస్తున్నారు. ఆవు పాలలో బెల్లం కలిపి టీ చేసుకుంటే ఇంకా మంచిదట. ఎర్రరక్తకణాల వృద్ధి పెరుగుతుంది.

అయితే ఏదైనా మితంగానే తీసుకోవాలి. రోజులో రెండు సార్లు బెల్లం టీ తాగితే ఫర్వాలేదు. అంతకన్నా ఎక్కువ అయితే, అంత మంచిది కాదు సుమా.!