‘భోళా శంకర్’ సినిమా తర్వాత చిరంజీవి నుంచి ఏ సినిమా రాబోతోందా.? అని ఆరా తీస్తే.. ‘బింబిసార’ డైరెక్టర్ వశిష్ట సినిమా ముందు సోదిలోకి వచ్చింది. అతి త్వరలోనే ఈ సినిమా పట్టాలెక్కేందుకు గ్రౌండ్ వర్క్ అంతా ప్రిపేర్ చేసుకుంటోంది.

కాగా, ఈ సినిమాలో చిరంజీవి సరసన హీరోయిన్లు వుండరనీ, కంప్లీట్ ఫాంటసీ నేపథ్యంలో సినిమా వుండబోతోందనీ ప్రచారం జరుగుతోంది. అయితే, ఫాంటసీ మాట వాస్తవమే. కానీ, హీరోయిన్లు లేకపోవడమన్నదాంట్లో వాస్తవం లేదు.

ఈ సినిమాలో ఒకరికి మించి ముగ్గురు, ఆ పై నలుగురైదుగురు వరకూ హీరోయిన్లు వుంటారట. అయితే, హీరోతో రొమాన్స్.. డ్యూయెట్లు వేసుకోవడం వుండదట. అలా వచ్చి వెళ్లిపోతుంటారట.

తాజాగా ఈ విషయంపై డైరెక్టర్ కూడా చూచాయగా స్పష్టత ఇచ్చారు. అంతేకాదు, ‘జగదేకవీరుడు అతిలోక సుందరి’ తరహాలో ఈ సినిమా విజువల్ వండర్‌గా వుండబోతోందనీ ఆయన తెలిపారు.

ఆల్రెడీ చిరంజీవి పుట్టినరోజు సందర్భంగా ఫస్ట్ లుక్ పోస్టర్ రిలీజ్ చేసి సినిమాపై ఒకింత ఆసక్తి క్రియేట్ చేసిన సంగతి తెలిసిందే.