మహేష్ బాబు, త్రివిక్రమ్ కాంబినేషన్ మూవీ ‘గుంటూరు కారం’కి అనేక రకాల అదనపు గ్లామర్ అద్దబోతున్నారనీ తాజా సమాచారం. ఇప్పటికే ఈ సినిమాలో ఫుల్ డోస్ గ్లామర్ వుంది ఇద్దరు హీరోయిన్లతో. 

శ్రీలీల, మీనాక్షి చౌదరి హీరోయిన్లుగా నటిస్తున్న సంగతి తెలిసిందే. ఇద్దరూ ఇద్దరే.. హాట్ అండ్ సో హాట్. ఇక, ఇప్పుడు మరో గ్లామర్ యాడ్ అవుతోందట. 

చందమామ కాజల్ అగర్వాల్ ఈ సినిమాలో ఓ గెస్ట్ రోల్ పోషించబోతున్నట్లు తెలుస్తోంది. అయితే, ఓ స్టార్ హీరోయిన్‌తో గెస్ట్ అప్పియరెన్స్ ఇవ్వాలనుకున్నారట. అది కాజల్ అయితే బాగుంటుందని మహేష్ బాబు సూచించాడట.

కొన్ని నిమిషాల పాటు మాత్రమే ఈ పాత్ర వచ్చి పోతుందట. ఇది సినిమాకి ఓ సర్‌ప్రైజింగ్ ఎలిమెంట్ అనీ అంటున్నారు. ప్రస్తుతం శరవేగంగా షూటింగ్ జరుపుకుంటోంది ‘గుంటూరు కారం’. 

బీభత్సమైన యాక్షన్ ఎపిసోడ్ చిత్రీకరణలో చిత్ర యూనిట్ బిజీగా వుంది. సంక్రాంతికి సినిమాని ఎలాగైనా ప్రేక్షకుల ముందుకు తీసుకొచ్చేందుకు సన్నాహాలు చేస్తున్నారు.