యూఏఈ: ఆస్టర్ గార్డియన్స్ గ్లోబల్ నర్సింగ్ అవార్డు యొక్క మూడవ ఎడిషన్‌ను ఆస్టర్ DM హెల్త్‌కేర్ ప్రకటించింది. ప్రపంచవ్యాప్తంగా అర్హులైన నర్సులు అవార్డు కోసం తమ దరఖాస్తులను http://www.asterguardians.comలో సమర్పించాలి. పేషెంట్ కేర్, నర్సింగ్ లీడర్‌షిప్, నర్సింగ్ ఎడ్యుకేషన్, సోషల్ లేదా కమ్యూనిటీ సర్వీస్ మరియు హెల్త్‌కేర్‌లో పరిశోధన/ఇన్నోవేషన్/ ఎంటర్‌ప్రెన్యూర్‌షిప్ విభాగాలలో దరఖాస్తులు చేయవచ్చు.  ప్రముఖ నిపుణులతో కూడిన స్వతంత్ర ప్యానెల్‌తో కూడిన గ్రాండ్ జ్యూరీ టాప్ 10 నర్సులను ఎంపిక చేస్తారు. అంతర్జాతీయ నర్సుల దినోత్సవం సందర్భంగా మే 2024లో విజేతలకు అవార్డును అందజేస్తారు.

మే 2022లో దుబాయ్‌లో జరిగిన ఈ అవార్డు మొదటి ఎడిషన్‌లో కెన్యాకు చెందిన నర్సు అన్నా ఖబలే దుబా ఈ అవార్డును కైవసం చేసుకున్నారు. రెండవ ఎడిషన్‌కు 202 దేశాల నుండి 52,000 పైగా దరఖాస్తులు వచ్చాయి. యూకేకి చెందిన నర్స్ మార్గరెట్ హెలెన్ షెపర్డ్, మోనోజెనిక్ డయాబెటిస్‌కు సంబంధించిన ప్రముఖ నర్సు మే 12, 2023న విజేతగా ఎంపికైంది.