కావలిసినవి
కాబూలీ చనా - కప్పు
అల్లం, వెల్లుల్లి పేస్ట్‌ - 1 చెంచా
కారం - అర చెంచా
ఉప్పు - తగినంత
శనగపిండి - అర కప్పు
జొన్నపిండి - అరకప్పు
కార్న్‌ ఫ్లోర్‌ - అర కప్పు
జీలకర్ర - అరచెంచా
వాము - అరచెంచా
పుదీనా - ఒక కట్ట
కొత్తిమీర - కొద్దిగా
నూనె - వేయించడానికి సరిపడా
తయారీ విధానం
ముందుగా కాబూలీ శనగలను కుక్కర్‌లో ఒక విజిల్‌ వచ్చేవరకూ ఉడికించి పక్కన ఉంచుకోవాలి. తరువాత ఒక గిన్నెలో శనగపిండి, జొన్నపిండి, కార్న్‌ ఫ్లోర్‌, ఉప్పు, కారం, ఇంకా పైన చెప్పిన పదార్ధాలన్నింటినీ కలుపుకుని, పుదీనా, కొత్తిమీరలను సన్నగా తరిగినవి ఈ పిండి మిశ్రమంలో వేసి, బాగా పలుచగా కాకుండా కొంచెం ముద్దగా కలుపుకొని ఉంచుకోవాలి. ఇప్పుడు ఉడికించిన శనగలను ఈ పిండి మిశ్రమంలో ముంచుతూ కాగిన నూనెలో బ్రౌన్‌ కలర్‌ వచ్చే వరకూ వేయించి తీయాలి. టొమాటో సాస్‌తో కలిపి సర్వ్‌ చేసుకుంటే ఘుమఘుమలాడే పుదీనా, చనా స్నాక్స్‌ రెడీ.