యూఏఈ: అబుదాబి అంతర్జాతీయ విమానాశ్రయం కొత్త టెర్మినల్ A ని నవంబర్ 1 న ప్రారంభించనున్నట్లు సోమవారం ప్రకటించింది. ఎతిహాద్ ఎయిర్‌వేస్ ప్రజలకు అధికారికంగా తెరవడానికి ముందు అక్టోబర్ 31న ప్రయోగాత్మకంగా పరిశీలించనుంది. రెండు వారాల వ్యవధిలో మూడు దశల్లో ఎయిర్‌లైన్స్ టెర్మినల్ A ని అందుబాటులోకి తీసుకొస్తారు.

విజ్ ఎయిర్ అబుదాబి, 15 ఇతర అంతర్జాతీయ విమానయాన సంస్థలు నవంబర్ 1 న కొత్త టెర్మినల్ నుండి విమానాలను ప్రారంభించనున్నాయి. నవంబర్ 9 నుండి, ఎతిహాద్ ఎయిర్‌వేస్ ప్రతిరోజూ 16 విమానాలను నడుపుతుంది. ఇది ఎయిర్ అరేబియా అబుదాబి., 10 ఇతర విమానయాన సంస్థలతో పాటు నవంబర్ 14 నుంచి తమ సర్వీసులను ప్రారంభించనున్నాయి.  నవంబర్ 14 నుండి 28 విమానయాన సంస్థలు టెర్మినల్ A నుండి పూర్తిగా పనిచేస్తాయని ప్రకటించారు.