రజినీకాంత్‌ కథానాయకుడిగా నటించిన చిత్రం 'కబాలి'. రాధికా ఆప్టే కథానాయిక. ఇటీవల విడుదల చేసిన సినిమా టీజర్‌ ఆన్‌లైన్‌లో రికార్డులు సృష్టించింది. దీంతో 'కబాలి'పై అంచనాలు మరింత పెరిగిపోయాయి. రజనీకాంత్‌ ఫాలోయింగ్‌ ఆధారంగా ఈ చిత్రాన్ని ఇప్పటికే అనేక భాషల్లో డబ్‌ చేస్తున్నారు. ఈ జాబితాలోకి మరో భాష వచ్చి చేరింది.మలేషియాలో తమిళ చిత్రాలకు ఆదరణ బాగానే ఉంటుంది. దీనిని దృష్టిలో పెట్టుకుని 'కబాలి'ని మలయ్‌( మలేషియా బాష)లోకి అనువదిస్తున్నారు. దీంతో మలయ్‌ బాషలోకి డబ్‌ అయిన తొలి తమిళ చిత్రంగా కబాలి రికార్డు సృష్టించింది. మలేషియా మీడియా కంపెనీ అయిన మాలిక్‌ స్ట్రీమ్‌ ప్రొడక్షన్స్‌ ఈ చిత్రాన్ని మలేషియాలో విడుదల చేయనుంది. పా రంజిత్‌ దర్శకత్వం వహిస్తున్న ఈ చిత్రంలో దినేశ్‌ రవి, ధన్సిక, జాన్‌ విజయ్‌లు ముఖ్య పాత్రలు పోషించారు.