‘కేజీఎఫ్’ అనే కన్నడ సినిమా ప్రపంచ వ్యాప్తంగా ఎన్ని సంచలనాలు నమోదు చేసిందో ప్రత్యేకంగా చెప్పక్కర్లేదు. ప్రశాంత్ నీల్ దర్శకత్వంలో తెరకెక్కిన ఈ సినిమా ప్యాన్ ఇండియా స్థాయిలో రికార్డులు కొల్లగొట్టింది.
ఇదే డైరెక్టర్‌తో యూనివర్సల్ స్టార్ అయిన ప్రబాస్ నటిస్తున్న సినిమానే ‘సలార్’. డిశంబర్ 22న సినిమా ప్రేక్షకుల ముందుకు రానుంది. ఈ సందర్భంగా రిలీజ్ చేసిన ట్రైలర్ ఇప్పుడు ట్రెండింగ్‌గా మారింది.
ట్రైలర్ ఆధ్యంతం ఆసక్తిగా కట్ చేశారు. ఇద్దరు ప్రాణ స్నేహితుల మధ్య చెలరేగిన గొడవనే ‘సలార్’ కథ. చాలా ఎమోషనల్‌గా ఈ సినిమాని తెరకెక్కించాడు ప్రశాంత్ నీల్.. అని ట్రైలర్ చూస్తుంటే అర్ధమవుతోంది. ఎంతో ప్రేమగా వుండే ఇద్దరు స్నేహితులు శత్రువులుగా మారితే, సమవుజ్జీలైన ఆ  ఇద్దరు స్నేహితుల మధ్య శత్రుత్వం ఎంతటి బీభత్సానికి దారి తీసిందో ఈ సినిమా ద్వారా చూపించబోతున్నాడు ప్రశాంత్ నీల్.
అత్యంత భయానకమైన, భీభత్సమైన యాక్షన్ ఘట్టాలూ, విజువల్స్.. తెరపై ఆవిష్కరించినట్లు ట్రైలర్‌లో జస్ట్ శాంపిల్‌కి చూపించేశారు. ఇక, సినిమా ఏ స్థాయిలో రికార్డులు బద్దలు కొట్టబోతోందో చూడాలంటే, డిశంబర్ 22 వరకూ ఆగాల్సిందే. ‘సలార్’లో ప్రతినాయకుడి పాత్రలో పవర్ ఫుల్‌గా కనిపించబోతున్నాడు మలయాళ నటుడు పృద్వీ రాజ్ సుకుమారన్.