యూఏఈ: మీడియాను నియంత్రించడం పై ఫెడరల్ డిక్రీని యూఏఈ ప్రభుత్వం జారీ చేసింది. దేశంలోని మీడియాకు సంబంధించి వ్యక్తులు, సంస్థలు, మీడియా సంస్థలు మరియు ఫ్రీ జోన్‌లకు ఇది వర్తిస్తుందని తెలిపింది. మీడియా కార్యకలాపాలను అమలు చేయడానికి లైసెన్స్‌లు, అనుమతుల జారీ మరియు పర్యవేక్షణకు ఈ చట్టాన్ని తీసుకొచ్చినట్లు పేర్కొన్నారు. ఈ చట్టం ప్రకారం.. యూఏఈ మీడియా కౌన్సిల్, మీడియా వ్యవహారాల నియంత్రణకు సంబంధించిన స్థానిక ప్రభుత్వ సంస్థల అధికారాలను కల్పించారు. ముఖ్యంగా దైవానికి గౌరవం, ఇస్లామిక్ విశ్వాసాలు, అన్ని మతాలు మరియు ఇతరుల నమ్మకాలను గౌరవించాలని కొత్త చట్టంలో సూచించారు. దేశ సార్వభౌమాధికారం, చిహ్నాలు మరియు సంస్థలు, సమాజం యొక్క అత్యున్నత ప్రయోజనాలను గౌరవించాలన్నారు.  యూఏఈ విదేశీ సంబంధాలపై ప్రతికూల ప్రభావాన్ని చూపే అంశాలకు దూరంగా ఉండాలని సూచించారు. వీటితోపాటు జాతీయ ఐక్యత లేదా సామాజిక ఐక్యతకు భంగం కలిగించే సమాచారాన్ని వ్యాప్తి చేయడం లేదా ప్రసారం చేయడం నేరంగా పేర్కొన్నారు.  సమాజంలోని సభ్యుల మధ్య హింస, ద్వేషం లేదా అసమ్మతిని ప్రచారం చేయడం,  ప్రతి ఒక్కరి స్వేచ్ఛను గౌరవించాలని సూచించారు. పుకార్లు, తప్పుడు మరియు తప్పుదోవ పట్టించే వార్తలు లేదా నేరాలు చేయడానికి ప్రేరేపించే ఏదైనా విషయాన్ని ప్రచురించండి, ప్రసారం చేయండి లేదా ప్రసారం చేయొద్దన్నారు. ఈ చట్టం ప్రకారం.. వ్యక్తులు, మీడియా సంస్థలు తమ పరిస్థితిని దాని నిబంధనలకు అనుగుణంగా సర్దుబాటు చేసుకోవడానికి 12 నెలల వ్యవధిని ఇచ్చినట్లు, క్యాబినెట్ నిర్ణయం ద్వారా ఈ గడువుని పొడిగించవచ్చని డిక్రీ పేర్కొంది.