రియాద్:  సౌదీయేతర నంబర్ ప్లేట్‌లు కలిగిన వాహనాలను లైసెన్స్ జారీ చేసిన దేశంలోని పౌరులు మాత్రమే నడపాలని జనరల్ డిపార్ట్‌మెంట్ ఆఫ్ ట్రాఫిక్ (మురూర్) స్పష్టం చేసింది. ఈ విషయంలో ట్రాఫిక్ నిబంధనలను ఖచ్చితంగా పాటించాల్సిన అవసరాన్ని డిపార్ట్‌మెంట్ తెలిపింది. ఉల్లంఘించిన వారిపై జరిమానాలు విధించడంతోపాటు వాహనాలను సీజ్ చేస్తామని, ఇటాంటి ఉల్లంఘనలపై శిక్షార్హమైన చర్యలు తీసుకుంటామని హెచ్చరించింది. సౌదీయేతర లైసెన్స్ ప్లేట్‌లను కలిగి ఉన్న కార్లు నిబంధనలను ఉల్లంఘిస్తున్నాయో లేదో తెలుసుకోవడానికి అన్ని ట్రాఫిక్ పెట్రోలింగ్ బృందాలను పర్యవేక్షించేందుకు ఇప్పటికే ఆదేశఆలు జారీ చేసిందన్నారు. సౌదీయేతర నంబర్ ప్లేట్‌లను కలిగి ఉన్న కార్ల సంఖ్య పెరిగిన నేపథ్యంలో ఈ మేరకు సర్క్యులర్ జారీ చేసినట్లు మురూర్ వెల్లడించింది.