కావాల్సినవి: చికెన్‌ కైమా 250 గ్రా., సుమారైన ఉల్లిపాయ ఒకటి (చిన్న ముక్కలుగా కోయాలి), టమోటో లేదా ఎర్ర క్యాప్సికం ఒకటి (ముక్కలు కోసుకోండి), అల్లం, వెల్లుల్లి వేరువేరుగా అర టీస్పూను చెప్పున, మిరియాలు (అప్పటికపడు కచ్చాపచ్చాగా కొట్టింది) అర టీస్పూను, గరం మసాలా అర టీస్పూను, కొత్తిమీర (సన్నగా తరిగి) ఒక టేబుల్‌ స్పూను, నూనె ఒక టీస్పూను, ఉప్పు తగినంత.

తయారుచేసే విధానం
అన్నిట్నీ కలిపి ఒక గంటసేపు పక్కన పెట్టండి. లావాటి ముద్దల్లా చేసుకుని ఇడ్లీ గిన్నెలో ఆవిరిమీద పది నిమిషాలు ఉడకబెట్టండి. ఆ తర్వాత నాప్‌కిన్‌తో అద్ది పైన తడి ఏమైనా ఉంటే తీసేయండి. ఆ తర్వాత గ్రిల్‌లో గాని, నాన్‌స్టిక్‌ మూకుట్లోగాని వేసి పైన కొంచెం నూనెవేసి వేగించండి. చెక్క గరిటెతో ఒత్తుతూ బ్రౌన్‌ రంగు వచ్చేదాకా వేగించి దించేయండి. స్నాక్స్‌లా తినడానికి బాగుంటాయి.