క్యాపిటల్‌ గవర్నరేట్‌ డైరెక్టర్‌ ఆఫ్‌ సోషల్‌ ప్రోగ్రామ్స్‌ అండ్‌ కమ్యూనిటీ ఎఫైర్స్‌ ఫాతిమా అల్‌ ఘాతమ్‌, పవిత్ర రమదాన్ మాసం సందర్భంగా పలు సాంస్కృతిక, సామాజిక సేవా కార్యక్రమాలను చేపట్టనున్నట్లు వెల్లడించారు. యువతను సాధారణ ప్రజానీకాన్నీ అలరించేలా పలు కార్యక్రమాలను ఈ సందర్భంగా చేపట్టనున్నారు. పవిత్ర రమదాన్ మాసానికి స్వాగతం పలికేలా ఈ ఈవెంట్‌ని నిర్వహిస్తారు. నేషన్‌ ఆఫ్‌ మొహ్మద్‌ ప్రోగ్రామ్‌ ఐదవ ఎడిషన్‌ని 'ప్రోపర్‌ కన్జంప్షన్‌' పేరుతో మే 31న నిర్వహించనున్నారు. బహ్రెయిన్‌ ఇస్లామిక్‌ బ్యాంక్‌ మరియు కన్జ్యూమర్‌ ప్రొటక్షన్‌ డిపార్ట్‌మెంట్‌ (మినిస్ట్రీ ఆఫ్‌ ఇండస్ట్రీ అండ్‌ కామర్స్‌) మరియు కాంటెంపరరీ విమెన్‌ సొసైటీ సహకారంతో ఈ కార్యక్రమాన్ని చేపడతారు. రమదాన్ ఈవినింగ్‌ ఈవెంట్‌ జూన్‌ 10న రాత్రి 9.30నిమిషాలకు జరుగుతుంది. జర్గాన్‌ ఫెస్టివల్‌ జూన్‌ 17న సీఫ్‌ మాల్‌లో జరుగుతుంది. పవిత్ర రమదాన్ మాసానికి సంబంధించిన క్యాలెండర్‌ని మినిస్ట్రీ ఇప్పటికే సిద్ధం చేసిందని ఫాతిమా వివరించారు.