పదహారణాల తెలుగమ్మాయ్ డింపుల్ హయాతి.. హీరోయిన్ అవ్వాలని గంపెడాశతో ఇండస్ర్టీకి అడుగుపెట్టింది. అయితే, తొలి పరిచయంగా ఐటెం సాంగ్‌తోనే డెబ్యూ చేసింది. అదే ‘గద్దల కొండ గణేష్’ సినిమాలో ‘సూపర్ హిట్టూ.. బొమ్మ హిట్టూ..’ అంటూ ఓ స్పెషల్ సాంగ్‌లో నటించి మెప్పించింది డింపుల్.

ఆ తర్వాత మాస్ రాజా రవితేజ సినిమా ‘ఖిలాడీ’తో హీరోయిన్‌గా అవకాశం దక్కించుకుంది. గోపీచంద్‌తో ఓ సినిమాలో నటించింది. ఇప్పుడు మళ్లీ అవకాశాల కోసం ఎదురు చూస్తోంది.

అయితే, తాజా సమాచారం ప్రకారం మళ్లీ ఐటెం అవతారమెత్తేందుకు డింపుల్ హయాతీ రెడీగా వుందని తెలుస్తోంది. పూరీ జగన్నాధ్, రామ్ పోతినేని కాంబినేషన్‌లో వస్తున్న హై ఎక్స్‌పెక్టేషన్స్ మూవీ ‘డబుల్ ఇస్మార్ట్’లో డింపుల్ స్పెషల్ సాంగ్ చేయబోతోందట.

పూరీ సినిమాల్లో ఐటెం సాంగ్స్‌కి ఓ ప్రత్యకత వుంటుంది. అలాగే, మళ్లీ తన ఐటెం సాంగ్ హిట్టయితే.. డింపుల్‌కి అవకాశాలు పోటెత్తుతాయేమో.. అవి హీరోయిన్‌గా అయినా.. లేదంటే ఐటెం గాళ్‌గా అయినా.! చూడాలి మరి.