ఓ వైపు అయోధ్య రామాలయం ప్రారంభోత్సవం. అంతా రామ మయం. జగమంతా రామ మయం. జై శ్రీరామ్ అన్న నినాదంతో ప్రపంచం మొత్తం మార్మోగిపోతోంది. సరిగ్గా ఇదే వేళలో ‘హనుమాన్’ మూవీ సీక్వెల్ కూడా స్టార్ట్ చేసేశారు ప్రశాంత్ వర్మ అండ్ టీమ్.

‘హనుమాన్’ సినిమా చివరిలోనే సీక్వెల్‌కి బ్లాక్ వదిలేశారు. రెండో పార్ట్ అంతా హనుమాన్ మీదే వుండబోతోందనీ హింట్ ఇచ్చారు. నాకిచ్చిన మాట నిలబెట్టుకున్నాను.. నువ్వు శ్రీరాముడికిచ్చిన మాట నిలబెట్టుకునే సమయం వచ్చింది హనుమా.! అందుకు నువ్వు తిరిగి రావాలి.. అంటూ విభీషణుడి పాత్రలో వున్న సముద్ర ఖని చెప్పిన డైలాగులతో ఈ సినిమా కథపై ఆసక్తి పెరిగింది.

అసలు శ్రీరాముడికి హనుమంతుడిచ్చిన మాటేంటీ.? అసలు ఈ సినిమాలో హనుమంతుడి పాత్ర పోషిస్తున్నదెవరు.? ఇలాంటి అనేక ప్రశ్నలు తలెత్తాయ్. అయితే, ఓ బిగ్ సెలబ్రిటీ హనుమాన్ పాత్రలో కనిపించబోతున్నాడనీ ప్రశాంత్ చెప్పేశాడు.

ఇప్పుడు ఆ మాట చుట్టూ అనేక అనుమానాలు. ఆ పాత్ర పోషించదగ్గ ఆ స్టార్ హీరో ఎవరు.? స్టార్ హీరోల్లో ఆ సత్తా ఎవరికి వుంది.? మెగాస్టార్ చిరంజీవినా.? లేక ఇంకెవరు.? ఇలా ఇప్పటి నుంచే ‘జై హనుమాన్’ అంచనాలు పెంచేస్తోంది.