బహ్రెయిన్: పాలస్తీనియన్లకు మద్దతుగా ఆరు అంబులెన్స్‌లను అల్-ఎస్లా సొసైటీ యొక్క కాఫ్ హ్యుమానిటేరియన్ సీఈఓ మొహమ్మద్ జాసిమ్ సయ్యర్.. రాయల్ హ్యుమానిటేరియన్ ఫౌండేషన్ (RHF) సెక్రటరీ జనరల్, బహ్రెయిన్ నేషనల్ కమిటీ సీఈఓ అయిన డాక్టర్ ముస్తఫా అల్ సయ్యద్‌ కు విరాళంగా అందజేశారు.  గాజాలోని పాలస్తీనియన్లకు మద్దతు అందించడానికి హిస్ మెజెస్టి కింగ్ హమద్ బిన్ ఇసా అల్ ఖలీఫా ఆదేశాలకు అనుగుణంగా ఈ చొరవ తీసుకున్నట్లు తెలిపారు.  గాజాలోని పాలస్తీనియన్ ప్రజలకు మద్దతుగా బహ్రెయిన్ చేస్తున్న ప్రయత్నాలకు సహకరించేందుకు కాఫ్ హుమిటేరియన్ రెండు మొబైల్ క్లినిక్‌లతో సహా ఆరు పూర్తిస్థాయి అంబులెన్స్‌లను అందించినట్లు ప్రకటించింది. జోర్డాన్ ద్వారా అంబులెన్స్‌లు రవాణా చేయబడతాయని, పాలస్తీనా ప్రజలకు అంబులెన్స్ సేవలను అందించడానికి స్ట్రిప్‌లోని అత్యవసర సామర్థ్యాలను బలోపేతం చేయడం ఈ మద్దతు లక్ష్యంగా ఉందని ఆయన తెలిపారు. బహ్రెయిన్ గాజాలోని ఆసుపత్రులకు అవసరమైన వైద్య సామాగ్రిని అందించడానికి మద్దతునిస్తూనే ఉంటుందని డాక్టర్ అల్ సయీద్ చెప్పారు.