రియాద్: ఆర్థిక వైవిధ్యం విషయంలో సౌదీ అరేబియాలో వచ్చిన మార్పు అద్భుతమని అంతర్జాతీయ ద్రవ్య నిధి మేనేజింగ్ డైరెక్టర్ క్రిస్టాలినా జార్జివా అన్నారు. దుబాయ్‌లో జరిగిన అరబ్ ఫిస్కల్ ఫోరమ్‌లో భాగంగా అల్-అరేబియా బిజినెస్‌కి ఇచ్చిన ఇంటర్వ్యూలో సౌదీ అరేబియాలో వచ్చిన మార్పు అద్భుతంగా ఉందని ప్ర‌శంసించారు. సౌదీఅరేబియా యొక్క ఆర్థిక వ్యవస్థ చమురు మరియు గ్యాస్ రంగాలపై ఎక్కువగా ఆధారపడటం నుండి చమురుయేతర రంగాలలో మరింత డైనమిక్‌గా మారిందన్నారు. ఆర్థిక వైవిధ్యతకు సంబంధించి రాజ్యం తన విజన్ 2030ని సాధించడానికి అనుసరిస్తున్న విధానాన్ని అభినందించారు. సౌదీ అరేబియాలో టూరిజం విస్తరణ ఆశాజనకంగా ఉందని ఆమె అన్నారు. కార్మిక మార్కెట్లో మహిళల భాగస్వామ్యం ఇప్పుడు ఆర్థిక వ్యవస్థలో అంతర్భాగంగా మారిందని, వాస్తవానికి ఇది సౌదీ ఆర్థిక వ్యవస్థకు అదనపు ఊపునిస్తుందని ఆమె పేర్కొన్నారు.