యూఏఈ: యూఏఈ తూర్పు ప్రాంతంలో గత మూడు రోజులుగా కుండపోత వర్షం కురిసింది. దీంతో షార్జా మున్సిపాలిటీ పరిధిలోని కల్బా పట్టణంలోని అనేక ప్రాంతాలు నీటమునిగాయి. నీటిలో మునిగిపోయిన రహదారులను అధికారులు బ్లాక్ చేశారు. పలు ప్రాంతాల్లో వరద నీటిని తొలగించేందుకు యత్నిస్తున్నట్లు మునిసిపాలిటీ అధికారులు తెలిపారు.  లోతట్టు ప్రాంతాల్లో నివసించే వారిని ఇప్పటికే ఖాళీ చేయించి సురక్షిత ప్రాంతాల్లోని హోటళ్లు, పాఠశాలలకు తరలించినట్లు వెల్లడించారు. బాధిత నివాసితులను సురక్షిత ప్రాంతాలకు తీసుకెళ్లేందుకు అధికారులు కల్బాలోని అల్ సిద్రా పార్క్ సమీపంలో పాఠశాల బస్సులను ఉపయోచించారు. వరదనీరు కారణంగా వ్యాపారాలు స్తంభించాయి. కల్బా లో అనేక వాహనాలు వరద నీటిలో మునిగిపోయాయి. రికవరీ వాహనాలు అవిశ్రాంతంగా రెస్క్యూ ఆపరేషన్లలో నిమగ్నమై ఉన్నాయి. నీటిలో మునిగిపోయిన వాహనాలను వెలికితీసేందుకు సిబ్బంది పని చేస్తున్నారు.  మరోవైపు నిరాశ్రయులైన వారిని ఆదుకోవడానికి వివిధ సామాజిక సంస్థలు రంగంలోకి దిగాయి. నివాసితులకు అవసరమైన నిత్యవసరాలను అందజేస్తున్నారు.