యూఏఈ:  మోటార్‌సైకిల్ ప్రమాదంలో గాయపడిన వ్యక్తికి యూఏఈ అధికారులు ఎయిర్ లిఫ్ట్ ద్వార ఆస్పత్రికి తరలించారు. నేషనల్ సెర్చ్ అండ్ రెస్క్యూ సెంటర్.. షార్జా పోలీసుల సమన్వయంతో అల్ మేడమ్ ప్రాంతంలోని ఎడారి నుండి వ్యక్తిని విమానంలో ఆస్పత్రికి తరలించారు. గాయపడ్డ వ్యక్తిని చికిత్స కోసం ఫుజైరా ఆసుపత్రికి తరలించారు. ఇదిలా ఉండగా ఫిబ్రవరి 22న.. 24 ఏళ్ల గాయపడిన వ్యక్తిని అధికారులు కార్గో షిప్ నుండి విమానంలో ఆస్పత్రికి తరలించారు. యూఏఈ ప్రాదేశిక జలాల్లో కార్గో షిప్‌ ఉన్న సమయంలో అందులోని ఆసియా వ్యక్తి తీవ్రంగా గాయపడ్డాడు. సదరు వ్యక్తిని తరలించేందుకు అధికార యంత్రాంగం 'సెర్చ్ అండ్ రెస్క్యూ' హెలికాప్టర్‌ను ఉపయోగించి చికిత్స కోసం ఆ వ్యక్తిని అల్ ఖాసిమి ఆసుపత్రికి తరలించారు.