మూన్‌ సైటింగ్‌ కమిటీలు జూన్‌ 5, ఆదివారం యూఏఈలో సమావేశం కానున్నాయి. రమదాన్‌ మాసం ప్రారంభానికి సంబంధించి ఈ సమావేశంలో కీలక నిర్ణయం తీసుకుంటారు. ఆదివారం తీసుకునే నిర్ణయాన్ని బట్టి, రమదాన్‌ ఎప్పుడు ప్రారంభమవుతుందనే విషయాన్ని వెల్లడిస్తారు. ఇదిలా ఉండగా రమదాన్‌ సందర్భంగా పబ్లిక్‌ మరియు ప్రైవేట్‌ సెక్టార్‌లో పని గంటల్ని రెండు గంటల పాటు తగ్గిస్తూ ఇప్పటికే నిర్ణయం తీసుకున్నారు. రమదాన్‌ మాసంలో ఉష్ణోగ్రతలు 45 నుంచి 50 డిగ్రీల సెల్సియస్‌ వరకు ఉండొచ్చని వాతావరణ శాఖ అధికారులు వివరించారు. సౌదీ అరేబియా, మరియు కొన్ని గల్ఫ్‌ దేశాల్లో ఈ ఉష్ణోగ్రతలు ఉంటాయని ఖాలిద్‌ అల్‌ జైక్‌ చెప్పారు.