దుబాయ్: రష్యా విమానాశ్రయంలో ప్రమాదం కారణంగా ఎమిరేట్స్ ఎయిర్‌లైన్ బుధవారం మాస్కో-దుబాయ్ విమానాన్ని రద్దు చేసింది. బోర్డింగ్ ప్రారంభించడానికి ముందు ఒక గ్రౌండ్ సర్వీస్ వాహనం విమానాన్ని ఢీకొట్టింది. దీంతో ప్రయాణీకులందరిని మరొక విమానంలో తరలించేందుకు ఏర్పాట్లు చేసారు. “ఎమిరేట్స్ ఫ్లైట్ EK134 ప్రయాణికులు ఎక్కే ముందు గ్రౌండ్ సర్వీసెస్ వాహనం విమానాన్ని ఢీకొట్టింది.  బాధిత ప్రయాణీకులందరూ తరువాత ఎమిరేట్స్ విమానంలో రీబుక్ చేయబడ్డారు.”అని ప్రతినిధి ఒక ప్రకటనలో తెలిపారు. "ఎమిరేట్స్ ఏదైనా అసౌకర్యానికి చింతిస్తున్నాము. దాని ప్రయాణీకులు మరియు సిబ్బంది యొక్క భద్రత చాలా ముఖ్యమైనది" అని ప్రతినిధి చెప్పారు.