బహ్రెయిన్: బహ్రెయిన్‌లో 83,877 కమర్షియల్ రిజిస్ట్రేషన్ (CR)లలో పౌరులు 65% కలిగి ఉన్నారుజ. అయితే పౌరులు కాని వారు మొత్తం రికార్డులలో 16% మాత్రమే ఉన్నారు. ఎంపీ హమద్ అల్-దోవై అడిగిన‌ప్ర‌శ్న‌కు పరిశ్రమలు మరియు వాణిజ్య శాఖ మంత్రి హెచ్.ఇ. అబ్దుల్లా బిన్ అడెల్ ఫఖ్రో ఈ మేర‌కు స‌మాధానం ఇచ్చారు. మొత్తం వాణిజ్య రిజిస్ట్రేషన్‌లలో 54,725 బహ్రెయిన్ పౌరుల స్వంతం అని పేర్కొన్నారు. ఇక బహ్రెయిన్ మరియు నాన్-బహ్రైన్ సంస్థల మధ్య భాగస్వామ్యాలు 15,730 రికార్డులను(19 శాతం) కలిగి ఉన్నాయని తెలిపారు.
కమర్షియల్ రిజిస్ట్రేషన్ సర్టిఫికేట్ (CR) అనేది పరిశ్రమ మరియు వాణిజ్య మంత్రిత్వ శాఖలో బహ్రెయిన్ రాజ్యంలో తమ స్థాపనను నమోదు చేసుకున్న తర్వాత పెట్టుబడిదారులకు జారీ చేసే చట్టపరమైన స‌ర్టిఫికేట్.
మూడు రకాల వాణిజ్య రిజిస్ట్రేషన్ సర్టిఫికెట్లు జారీ చేస్తున్నారు.
1. లైసెన్స్ లేకుండా కమర్షియల్ రిజిస్ట్రేషన్ సర్టిఫికేట్: వ్యాపార కార్యకలాపాల కోసం ఆమోదాలు లేదా లైసెన్స్‌లను పొందే ముందు జారీ చేస్తారు.
2. లైసెన్స్‌తో కూడిన కమర్షియల్ రిజిస్ట్రేషన్ సర్టిఫికేట్: వ్యాపార కార్యకలాపాల కోసం ఆమోదాలు లేదా లైసెన్స్‌లను పొందిన తర్వాత జారీ చేస్తారు.
3. వర్చువల్ కమర్షియల్ రిజిస్ట్రేషన్ (సిజిలి): చిన్న వ్యక్తిగత సంస్థలు మరియు వ్యవస్థాపకులకు వ్యాపార కార్యకలాపాలు నిర్వహించడానికి మరియు కొన్ని వ్యాపారాలను స్థాపించడానికి విధానాలను సులభతరం చేయడానికి చట్టపరమైన స్థితిని అందించడానికి జారీ చేస్తారు.