లాంగ్ గ్యాప్ తర్వాత ‘సలార్’ సినిమాతో సూపర్ హిట్ కొట్టాడు ప్రబాస్. ఆ ఉత్సాహంతోనే వరుసగా నాలుగు ప్రాజెక్టులు లైన్‌లో పెట్టేశాడు. ఒక్కొక్కటిగా వాటిని పూర్తి చేస్తూ వస్తున్నాడు కూడా.

ప్రశాంత్ నీల్ దర్శకత్వంలో రూపొందిన ‘సలార్’ సినిమాకి సీక్వేల్ విషయమై తాజాగా ఓ గాసిప్ ఇండస్ట్రీ వర్గాల్లో చక్కర్లు కొడుతోంది. ఈ సినిమాని త్వరలోనే ప్రారంభించబోతున్నట్లు తెలుస్తోంది.

శౌర్యంగ పర్వం నేపథ్యంలో రూపొందబోయే ఈ సీక్వెల్ కి సంబంధించి స్క్రిప్టు సిద్ధమైనట్లుగా ప్రచారం జరుగుతోంది. డైలాగ్స్ నుంచీ నెరేషన్ అంతా సిద్ధమయపోయిందట.

త్వరలోనే ప్రబాస్ అండ్ టీమ్‌తో చర్చలు జరిపి ప్రశాంత్ నీల్ ఈ సినిమాని పట్టాలెక్కించేయనున్నాడనీ తెలుస్తోంది.

ఈ లోపు ప్రబాస్ నటిస్తున్న ‘కల్కి’, ‘రాజా సాబ్’ సినిమాల షూటింగ్ పూర్తి చేసుకుని ప్రబాస్ శౌర్యంగ పర్వంలోకి అడుగు పెట్టేందుకు సరికొత్త మేకోవర్ కానున్నాడట.