‘పీవీసీయూ’ అంటూ డైరెక్టర్ ప్రశాంత్ వర్మ తనకంటూ ఓ బ్రాండ్ క్రియేట్ చేసుకున్నాడు. ఈ బ్రాండ్ నుంచి వచ్చిన సినిమానే ‘హనుమాన్’. సంచలన విజయం అందుకుంది.

ఈ సినిమాతో చిత్ర యూనిట్‌కి  వచ్చిన కాన్ఫిడెన్స్ అంతా ఇంతా కాదు. ఇక, ప్రశాంత్ వర్మ మామూలోడు కాదు. మహా మొండోడు. ఎన్ని శక్తులు అడ్డుకోవాలని చూసినా ‘హనుమాన్’ సినిమా రిలీజ్ విషయంలో అలా ఒంటి కాలిపై నిలబడిపోయాడు.

ఎలాగైనా సరే, సంక్రాంతి బరిలో నిలవాలనుకున్నాడు. నిలిచాడు. విజయం కాదు కాదు, అసలు సిసలు విజయం అందుకున్నాడు. అదే ఉత్సాహంతో ‘హనుమాన్’ సెకండ్ పార్ట్‌కి అంతా సిద్ధం చేసుకుంటున్నాడు.

దాంతో పాటూ, తన సినిమాటిక్ యూనివర్స్‌లో కేవలం చిన్న హీరోల సినిమాలే కాదట.. పెద్ద హీరోలు, స్టార్ హీరోలు సైతం యాక్ట్ చేస్తారని ఆల్రెడీ ఆ దిశగా ప్రయత్నాలు కూడా జరుగుతున్నాయనీ చెప్పాడు.

తానే కాదు, వివిధ స్టార్ డైరెక్టర్లు సైతం ప్రశాంత్ వర్మ సినిమాటిక్ యూనివర్స్‌లో వర్క్ చేయనున్నారట. చూస్తుంటే, ప్రశాంత్ వర్మ యూనివర్సిటీ అంత ఆషామాషీగా క్రియేట్ చేసినట్లు లేదు.