లార్జ్ స్కేల్‌లో రూపొందుతోన్న చిత్రం ‘కల్కి’. వైజయంతీ మూవీస్ సంస్థ ఈ సినిమాని ప్రతిష్టాత్మకంగా రూపొందిస్తోంది. నాగ్ అశ్విన్ తన విజన్‌ని దృశ్య రూపంలో చూపించబోతున్నారు. టైమ్ లైన్ నేపథ్యంలో ఈ సినిమా రూపొందబోతోందన్న సంగతి తెలిసిందే.

త్వరలో రిలీజ్ కాబోయే ఈ సినిమాకి సంబంధించి ఆల్రెడీ ప్రమోషన్లు స్టార్ట్ అయ్యాయ్. అందులో భాగంగానే ఇటీవల సినిమా రిలీజ్ డేట్ అనౌన్స్ చేస్తూ వదిలిన పోస్టర్‌పై అనేక ట్రోల్స్ జరుగుతున్నాయ్.

ఈ సినిమాలో అనేక సన్నివేశాలూ, పోస్టర్లు కొన్ని హాలీవుడ్ సినిమాల్లోంచి డైరెక్ట్‌గా ఎత్తేశారంటూ ప్రచారం జరుగుతోంది. ఆ ప్రచారాలను డైరెక్టర్ నాగ్ అశ్విన్ ఖండించారు.

ఓ పెద్ద సినిమాకి ఇలాంటి దుష్ప్రచారాలు చాలా సహజమైపోయాయ్. అయినా కానీ, ప్రబాస్ ఫ్యాన్స్ ఇలాంటి రూమర్లను పట్టించుకోవద్దనీ, ఖచ్చితంగా ‘కల్కి’ సినిమా తెలుగు సినిమా తెరపై ఓ అత్యద్భుతమవుతుందని హామీ ఇస్తున్నా.. అని చెప్పారు.

చాలా కష్టపడి ఈ సినిమా షూటింగ్ పూర్తి చేశారు. ఇక, నిర్మాణానంతర పనుల్లో ‘కల్కి’ టీమ్ బిజీగా వుంది. జూన్‌ నెలాఖరులో సినిమా రిలీజ్ కానుంది. ప్రబాస్‌తో పాటూ, దీపికా పదుకొనె, దిశా పటానీ, అమితాబ్ బచ్చన్, కమల్ హాసన్, తదితర ప్రముఖ నటీనటులు ఈ సినిమాలో నటిస్తున్నారు.