దర్శకుల యందు శంకర్ దర్శకత్వం వేరయా అనొచ్చు. ఆయన తెరకెక్కించే సినిమాల్లో సోషల్ మెసేజ్‌తో పాటూ, విజువల్ వండర్స్ క్రియేట్ చేస్తుంటాడు. ప్రస్తుతం శంకర్ దర్శకత్వంలో తెరకెక్కుతోన్న ‘ఇండియన్ 2’ సినిమా సంచలనాత్మక విజయం కోసం ఎదురు చూస్తోంది.

దేశం మొత్తం ఈ సినిమా వీక్షించేందుకు ఎంతో ఈగర్‌గా ఎదురు చూస్తున్నారు. కమల్ హాసన్ కెరీర్‌లోనే బిగ్గెస్ట్ హిట్, సంచలన విజయం అందుకున్న సినిమా ‘ఇండియన్’కి సీక్వెల్‌గా రాబోతున్న చిత్రమిది. షూటింగ్ టైమ్‌లో ఈ సినిమా ఫేస్ చేసిన కష్టాలు మరే సినిమా ఫేస్ చేసి వుండదేమో.

టెక్నీషియన్ ఒకరి మరణానికి కారణమైంది కూడా ఈ సినిమా. అన్ని అడ్డంకుల్నీ ఎదుర్కొని ముందుకెళ్లి ఎట్టకేలకు ఈ సినిమా పూర్తి చేశారు కమల్ అండ్ శంకర్. ఇక సినిమా రిలీజ్ డేట్ కూడా ఫిక్స్ చేసుకుంది. జూన్‌లో సినిమా రిలీజ్ అయ్యేందుకు సిద్ధంగా వుంది.

మే నుంచి సినిమా ప్రమోషన్లు చేయనున్నారట. అందులో భాగంగానే ఆడియో రిలీజ్ ఫంక్షన్ ఘనంగా చేయాలని అనుకుంటున్నారట. ఈ ఈవెంట్‌కి సూపర్ స్టార్ రజనీకాంత్, మెగా పవర్ స్టార్ అండ్ గ్లోబల్ స్టార్ రామ్ చరణ్ ముఖ్య అతిథిగా విచ్చేయనున్నారన్నది ఓ గాసిప్.