యూఏఈ: అల్ మక్తూమ్ ఇంటర్నేషనల్ (DWC) విమానాశ్రయంలో నిర్మించబడుతున్న Dh128-బిలియన్ టెర్మినల్ ప్రయాణీకుల సామర్థ్యాన్ని ఏటా 260 మిలియన్లకు పెంచుతుంది. ఇది దుబాయ్ ఇంటర్నేషనల్ (DXB) కార్యకలాపాలను 10 సంవత్సరాలలో పూర్తిగా స్వీకరించేలా చేస్తుంది. దుబాయ్‌కి దక్షిణాన ఉన్న విమానాశ్రయం ఒకసారి ప్రారంభం అయితే ప్రపంచంలోనే అతిపెద్దదిగా రికార్డు సృష్టించనుంది. అనంతరం దుబాయ్ ఎయిర్ పోర్ట్ కార్యకలాపాలు పూర్తిగా ఇక్కడి నుంచే నిర్వహించనున్నారు. ఆ తర్వాత విడతల వారిగా DXB మూసివేయబడుతుందని దుబాయ్ విమానాశ్రయాల CEO పాల్ గ్రిఫిత్స్ తెలిపారు. 

అల్ గర్హౌడ్‌లో ఉన్న DXB సెప్టెంబర్ 1960లో సేవలు ప్రారంభించింది. ఇది అప్పట్లో ఒక చిన్న టెర్మినల్ భవనం కలిగి ఉంది. దాని వెబ్‌సైట్‌లో అందుబాటులో ఉన్న వివరాల ప్రకారం, విమానాశ్రయం దాని మొదటి 500 మిలియన్ల ప్రయాణికులను స్వాగతించడానికి సెప్టెంబర్ 30, 1960 నుండి డిసెంబర్ 31, 2011 వరకు 51 సంవత్సరాలు పట్టింది. అయితే కేవలం ఏడు సంవత్సరాలలో మరో 500 మిలియన్లను చేరుకుంది.  అయితే, DXB "ప్రైమరీ హబ్"గా కొనసాగుతుందని తెలిపారు. 2023లో వరుసగా 10వ సంవత్సరం అంతర్జాతీయ ప్రయాణీకుల సంఖ్య కోసం ప్రపంచంలోని అగ్రశ్రేణి విమానాశ్రయంగా ర్యాంక్ అందుకుందని, 2024లో 88.8 మిలియన్ల మంది ప్రయాణికులను అధిగమిస్తుందని అంచనా వేస్తున్నారు.