మస్కట్: రవాణా, కమ్యూనికేషన్స్ మరియు ఇన్ఫర్మేషన్ టెక్నాలజీ మంత్రిత్వ శాఖ మంగళవారం మొదటి లాజిస్టిక్స్ డేని ఘనంగా జరుపుకుంది. ఈ వేడుక లాజిస్టిక్స్ రంగంలో 2024లో అమలు చేయబోయే 6 కార్యక్రమాలను ప్రకటించారు.  రెండు సంవత్సరాల పాటు మస్కట్ మరియు సలాలా నగరాలలో ప్రజా రవాణా నెట్‌వర్క్ ద్వారా కళాశాలలు, విశ్వవిద్యాలయాల విద్యార్థులకు ఉచిత రవాణా సదుపాయాన్ని కల్పించనున్నారు.    అదే విధంగా లాజిస్టిక్స్ రంగంలో చిన్న మరియు మధ్యతరహా పరిశ్రమలకు (SMEలు) సాధికారత కల్పించడానికి ప్రత్యేకంగా ఓ కార్యక్రమాన్ని రూపొందించనున్నారు. ఈ కార్యక్రమంలో లాజిస్టిక్స్ రంగంలో పెట్టుబడులను ఆకర్షించే లక్ష్యంతో మూడవ దశ వర్క్‌షాప్‌లు, క్లినిక్‌లను కూడా ప్రారంభించారు. ఈ సందర్భంగా "లాజిస్టిక్స్ సెక్టార్‌లో బెస్ట్ ప్రాక్టీసెస్ అవార్డు" విజేతలను ప్రకటించారు.