యూఏఈ: బుధవారం ఉదయం 9 గంటల నుంచి మరుసటి రోజు ఉదయం 6 గంటల వరకు కొన్ని పశ్చిమ ప్రాంతాల్లో ఇసుక, ధూళితో కూడిన తాజా గాలులు గంటకు 40 కిలోమీటర్ల వేగంతో వీస్తాయని వాతావరణ శాఖ హెచ్చరించింది. దుమ్ము కారణంగా విజిబిలిటీ 2000 మీటర్ల కంటే తక్కువకు తగ్గుతుందని పేర్కొంది.  ముందు రోజు సాధారణంగా పాక్షికంగా మేఘావృతమై ఉంటుందని,ద్వీపాలు మరియు కొన్ని తూర్పు మరియు పశ్చిమ ప్రాంతాలలో తేలికపాటి నుండి మోస్తరు వర్షాలు కురిసే అవకాశం ఉందని వెల్లడించింది. అరేబియా గల్ఫ్‌లో సముద్రం అల్లకల్లోలంగా ఉంటుందని అంచనా వేశారు.  అలల ఎత్తు ఆఫ్‌షోర్ 7 FTకి చేరుకుంటుందన్నారు. ఉష్ణోగ్రతలు అంతర్గత ప్రాంతాల్లో గరిష్టంగా 42ºC మరియు పర్వతాలలో కనిష్టంగా 17ºCకి చేరుకుంటాయని తెలిపింది.