కావలిసినవి
మష్రూమ్స్‌ - 100గ్రా
బంగాళా దుంపలు - రెండు
గరం మసాలా - ఒక చెంచా
పన్నీర్‌ - 50గ్రా
ఉల్లిపాయ - ఒకటి
పచ్చిమిర్చి - రెండు
జీలకర్ర పొడి - అర టీ స్పూను
నూనె - తగినంత
అల్లం వెల్లుల్లి పేస్ట్‌ ` ఒక చెంచా
తయారీ
పుట్టగొడుగుల్ని, బంగాళాదుంపల్ని ఉడికించి పక్కన ఉంచాలి.పన్నీర్‌ను సన్నగా తురిమి ఉంచాలి. ఇప్పుడు ఒక బాణలిలోకి నూనె వేసి దానిలో సన్నగా తరిగిన ఉల్లిపాయ ముక్కలు, పొడుగ్గా కోసిన వచ్చిమిర్చి ముక్కలు, అల్లం,వెల్లుల్లి పేస్ట్‌ వేసి వేయించాలి. తరువాత దానిలో ఉడికించిన మష్రూమ్‌ ముక్కలు కూడా వేసి తగినంత ఉప్పు వేసి దించాలి. ఈ మిశ్రమాన్ని మిక్సీలో వేసి దానికి ఉడికించి మెదిపిన బంగాళాదుంప ముక్కలను కూడా కలిపి పన్నీర్‌, గరంమసాలా పొడి వేసి బాగా కలపాలి. ఈ మిశ్రమాన్ని అరచేతిలోకి తీసుకుని చిన్న చిన్న అప్పాల్లా ఒత్తుకుని పెనం మీద నూనె వేసి బ్రౌన్‌ రంగులోకి వచ్చేవరకూ కాల్చి తీయాలి. మష్రూమ్‌ కబాబ్‌ రెడీ.