శ్రీలీల కెరీర్ టర్న్ చేసిన సినిమా ‘ధమాకా’. మాస్ రాజా రవితేజతో ఈ సినిమాలో శ్రీలీల జత కట్టింది. ఈ సినిమాతోనే శ్రీలీల స్టార్ హీరోయిన్ అయిపోయింది. అయితే, ఆ తర్వాత వచ్చిన సినిమాలన్నీ ఫెయిల్ కావడంతో మళ్లీ ఈ ముద్దుగుమ్మ కెరీర్ డైలమాలో పడింది.
చాలా అవకాశాలు వచ్చినట్లే వచ్చి పోయాయ్ కూడా. ఇప్పుడు ఇంకోసారి రవితేజతో శ్రీలీల జత కట్టబోతోంది. అదే మాస్ రాజా రవితేజ 75 వ సినిమా. భాను భోగవరపు అనే కొత్త డైరెక్టర్ ఈ సినిమాని తెరకెక్కిస్తున్నాడు.
కథా కమామిషు వివరాలు ఇంకా తెలియవు కానీ, ఈ సినిమాని లేటెస్ట్‌గా పూజా కార్యక్రమాలతో ప్రారంభించారు.
కాగా, శ్రీలీల చేతిలో ప్రస్తుతం పవన్ కళ్యాణ్ సినిమా ‘ఉస్తాద్ భగత్ సింగ్’ తప్ప మరో ప్రాజెక్ట్ లేదు. విజయ్  దేవరకొండ తదితర హీరోలతో శ్రీలీల సినిమా చేయాల్సి వుండగా, ఆ లిస్టులో మరో కొత్త ముద్దుగుమ్మ భానుశ్రీ బోర్సే పేరు వినిపిస్తోంది.
సో, శ్రీలీల నిలదొక్కుకోవాలంటే ఓ మంచి సినిమా.. హిట్టు సినిమా ఆమె నుంచి రావల్సిందే. ఈ తాజా సినిమా రావడానికి ఇంకో సంవత్సరం ఖచ్చితంగా పడుతుంది. వచ్చే ఏడాది సంక్రాంతి రేస్‌లో ఈ సినిమాని రిలీజ్ చేయనున్నట్లు సమాచారం. మరి అంతవరకూ శ్రీలీల పరిస్థితి ఏంటీ.! ఈ లోపల శ్రీలీల లక్కు చిక్కి ‘ఉస్తాద్ భగత్ సింగ్’ ముందుకు కదిలితే.. కానీ, ఆమెని గుర్తు పెట్టుకునే అవకాశం లేదు.