తెలుగు బిగ్‌బాస్ షో వస్తుందంటే చాలు.. దానిపై జరిగే ఎనాలసిస్‌లు, వివాదాలూ ఏవైనా సరే క్రేజీగానే వుంటుంటాయ్.

ముఖ్యంగా హోస్ట్ విషయంలో జరిగే రచ్చ. ఈ సారి హోస్ట్ ఈయనట.. ఆ హీరో అట.. కాదు కాదు ఫలానా అట.. అంటూ అనేక రకాల క్రేజ్ న్యూస్. ఈ సారి కూడా అంతే.

త్వరలో బిగ్‌బాస్ తెలుగు ఎనిమిదో సీజన్ స్టార్ట్ కానుంది. ఈ నేపథ్యంలో మళ్లీ అదే చర్చ. ఈ సారి హోస్ట్‌గా నాగార్జున రావట్లేదంట అని. కానీ, బిగ్‌బాస్‌కి పర్మినెంట్ హోస్ట్‌గా నాగార్జున ఫిక్సయిపోయారని అత్యంత విశ్వసనీయ వర్గాల ద్వారా అందుతోన్న తాజా సమాచారం.

ఓ వైపు బిగ్‌బాస్ షోకి హోస్ట్‌గా వ్యవహరిస్తూనే మరోవైపు నాగార్జున ఏదో ఒక సినిమా కూడా పూర్తి చేసేస్తుంటారు. అలా ఈ సారి ఏం సినిమా చేస్తున్నారన్నదే ఉత్కంఠ.

‘నా సామిరంగ’ సినిమా తర్వాత ఆయన సినిమాల స్టేటస్ ఏమీ తెలియ రాలేదు. బెజవాడ ప్రసన్నకుమార్ దర్శకత్వంలో నాగార్జున ఓ సినిమా చేయాల్సి వుంది. కానీ, దానికి సంబంధించిన అప్డేట్ అయితే ఇంతవరకూ రాలేదు.

కానీ, బిగ్‌బాస్ స్టార్ట్ అయ్యే లోపే తన కొత్త సినిమా అప్టేట్ కూడా ఇవ్వబోతున్నారట నాగార్జున. చూడాలి మరి.