దోహా: నర్సరీల సామర్థ్యాన్ని నిర్ధారించడం, వాటిని అభివృద్ధి చేయడం మరియు వాటి సేవల స్థాయిని మెరుగుపరచడం వంటి వాటి ప్రయత్నాలలో భాగంగా విద్య మరియు ఉన్నత విద్యా మంత్రిత్వ శాఖ దేశంలోని అన్ని నర్సరీలకు సంబంధించి కొత్త మార్గ‌ద‌ర్శ‌కాల‌ను జారీ చేసింది. నర్సరీల రకాలు,  అందులో ప‌నిచేఏ వారి  అర్హతలు మరియు అనుభవం, నర్సరీ ప్రధాన కార్యాలయంలో తప్పనిసరిగా అందుబాటులో ఉండే పరిస్థితులు మరియు నియంత్రణలు, నర్సరీలను స్థాపించడం మరియు పునరుద్ధరించడం కోసం లైసెన్సింగ్ ఫీజులను నిర్ణయించడం వంటివి ఇందులో ఉన్నాయి.

విద్య మరియు ఉన్నత విద్యా మంత్రిత్వ శాఖలోని ప్రైవేట్ విద్యా వ్యవహారాల అసిస్టెంట్ అండర్ సెక్రటరీ ఒమర్ అల్-నామా మాట్లాడుతూ.. బాల్య దశను అభివృద్ధి చేయడం మరియు మెరుగుపరచడం లక్ష్యంగా మంత్రిత్వ శాఖ వ్యూహాత్మక నిర్ణ‌యాలు తీసుకుంద‌న్నారు. నర్సరీల నాణ్యతను నిర్ధారించడం, పిల్లలను విద్యాపరంగా, మానసికంగా మరియు విద్యాపరంగా సిద్ధం చేయడానికి తగిన వాతావరణాన్ని అందించడం వీటి ల‌క్ష్య‌మ‌న్నారు.

డే కేర్ నర్సరీలు.. జాబ్ చేసే తల్లిదండ్రుల అవసరాలను తీర్చడానికి పిల్లల సంరక్షణ సేవలను అందించడంలో ప్రత్యేకత కలిగి ఉంటాయి. ఇది డే కేర్ సేవలను అందించడంలో మరియు పిల్లలకు భాష, చదవడం, రాయడం మరియు అంకగణితం వంటి ప్రాథమిక నైపుణ్యాలను బోధిస్తారు.   నర్సరీ లైసెన్స్‌ల జారీ మరియు పునరుద్ధరణకు రుసుము 1,000 ఖతార్ రియాల్స్‌గా నిర్ణయించారు. నర్సరీల పరిస్థితులను క్రమబద్ధీకరించడానికి నిబంధనలకు అనుగుణంగా పనిచేయడానికి ఆరు నెలల వ్యవధి ఇవ్వబడుతుందని మంత్రిత్వ శాఖ సూచించింది.