దోహా: ఇజ్రాయెల్ ప్రభుత్వం అల్-అక్సా మస్జిద్ లోకి ఆరాధకుల ప్రవేశంపై ఆంక్షలు విధించడాన్ని ఖతార్ రాష్ట్రం తీవ్రంగా ఖండించింది. ఈ చర్యలు రెచ్చగొట్టే విధంగా ఉన్నాయని,  అంతర్జాతీయ చట్టాన్ని మరియు ఆక్రమిత జెరూసలేంలోని పవిత్ర స్థలాల హాషెమైట్ సంరక్షకత్వాన్ని ఉల్లంఘనగా పరిగణిస్తున్నట్లు ఖతార్ తెలిపింది. అల్-అక్సా మసీదు మతపరమైన మరియు చారిత్రక స్థితిని మార్చడానికి పదేపదే చేస్తున్న ప్రయత్నాలు పాలస్తీనియన్లపై మాత్రమే కాకుండా ప్రపంచవ్యాప్తంగా మిలియన్ల మంది ముస్లింలపై దాడి అని విదేశీ వ్యవహారాల మంత్రిత్వ శాఖ  ఒక ప్రకటనలో స్పష్టం చేసింది. గాజా స్ట్రిప్‌లో కాల్పుల విరమణ ఒప్పందాన్ని చేరుకోవడానికి జరుగుతున్న ప్రయత్నాలపై ఈ ఉల్లంఘనల  ప్రభావం ఉంటుందని మంత్రిత్వ శాఖ హెచ్చరించింది.  ఈ దురాక్రమణలను ఆపడానికి తక్షణ చర్య తీసుకోవాలని అంతర్జాతీయ సమాజాన్ని కోరింది.