యూఏఈ: గత వారం యూఏఈ కార్మిక చట్టానికి చేసిన సవరణ విజిట్ వీసా హోల్డర్లను నియమించుకోకుండా యజమానులను నిరోధిస్తుందని న్యాయ నిపుణులు చెప్పారు. సరైన అనుమతి లేకుండా కార్మికులను నియమించడం, వారిని యూఏఈకి తీసుకురావడం మరియు వారికి ఉద్యోగం కల్పించడం తీవ్రమైన నేరం అని పేర్కొన్నారు. “గతంలో వర్క్ పర్మిట్ లేకుండా కార్మికులను నియమించుకున్నందుకు జరిమానాలు Dh50,000 నుండి Dh200,000 వరకు ఉండేవి. తాజా సవరణ ద్వారా Dh100,000 నుండి Dh1 మిలియన్ల జరిమానా విధిస్తారు. కార్మికుల హక్కులను పరిరక్షించడంలో ప్రభుత్వం తీవ్రతను ఇది స్పష్టం చేస్తుంది.” అని ECH డిజిటల్ డైరెక్టర్ అలీ సయీద్ అల్ కాబీ అన్నారు. కొంతమంది సందర్శకులు జాబ్ ఆఫర్  హామీతో మోసాలకు పాల్పడుతున్నాడని, బాధితుల విజిట్ వీసా గడువు ముగిసిన తర్వాత మాత్రమే బయలుదేరమని చెబుతున్నారని అల్ కాబీ చెప్పారు.