రియాద్: నైపుణ్యాల ఆధారంగా వర్క్ పర్మిట్‌లను మూడుగా విభజించే ముసాయిదా పథకానికి సంబంధించి  సౌదీ అరేబియా పెట్టుబడి మంత్రిత్వ శాఖ (MISA)తో సమన్వయం చేసుకుంటున్నట్టు మానవ వనరులు మరియు సామాజిక అభివృద్ధి మంత్రిత్వ శాఖ (MHRSD) వెల్లడించింది. ఇప్పటి వరకు అందిన ప్రధాన అభిప్రాయాలు పరిశీలనలను పరిగణనలోకి తీసుకుని, వాటితో సమన్వయం చేసుకున్న తర్వాత పథకం తుది వెర్షన్‌ను సిద్ధం చేసే పనిలో ఉన్నట్లు మంత్రిత్వ శాఖ ధృవీకరించింది. జూన్ 2024లో MHRSD Istitlaa ద్వారా, నేషనల్ కాంపిటీటివ్‌నెస్ సెంటర్‌లో పబ్లిక్ మరియు ఎంటిటీల అభిప్రాయాలను సేకరించడానికి ఏకీకృత ఎలక్ట్రానిక్ ప్లాట్‌ఫారమ్‌ను ప్రారంభించింది. వర్క్ పర్మిట్లు, వీసాల విభజనకు సంబంధించి కార్మిక చట్టం  నిబంధనలకు ముసాయిదా సవరణకు దీనిని ప్రారంభించినట్లు వెల్లడించారు.  వీసాలు మరియు ప్రవాసులకు వర్క్ పర్మిట్‌ల వర్గీకరణ  పెట్టుబడి వాతావరణంపై ప్రతికూల ప్రభావం లేదని అధ్యయనం వెల్లడించిందని మంత్రిత్వ శాఖ తెలిపింది. 2021లో లేబర్ మార్కెట్ పాలసీల కమిటీకి నైపుణ్య స్థాయిల ప్రకారం వర్క్ వీసాలను విభజించే ప్రతిపాదనను సమర్పించినట్లు MHRSD పేర్కొంది.  20 మంది కంటే తక్కువ ఉద్యోగులు ఉన్న చిన్న కంపెనీలకు కొత్త రిక్రూట్‌మెంట్ సిస్టమ్  కొన్ని విధానాల నుండి మినహాయింపు ఇవ్వనున్నట్లు పేర్కొన్నారు.