మస్కట్: ఇండియన్ స్కూల్ మస్కట్ (ISM) వార్షిక అకడమిక్ మెరిట్ అవార్డు వేడుకలను జరుపుకుంది. ఈ సందర్భంగా క్లాస్ V నుండి XII విద్యార్థులకు  ప్రతిష్టాత్మకమైన అకడమిక్ మెరిట్ అవార్డులను అందజేసారు. ఒమన్ డెంటల్ కాలేజ్ వ్యవస్థాపక చైర్మన్ మరియు డీన్, ముఖ్య అతిథి ప్రొఫెసర్ మొహమ్మద్ అల్ ఇస్మాయిలీ నేతృత్వంలో అవార్డుల అందజేత వేడుకను నిర్వహించారు. ముందుగా ఒమన్, భారత దేశాల జాతీయ గీతాలను ఆలపించారు. 409 మంది విద్యార్థులు (మిడిల్ సెక్షన్ నుండి 148 మంది విద్యార్థులు & సీనియర్ విభాగం నుండి 261 మంది విద్యార్థులు),  87 మంది ఉపాధ్యాయులకు చైర్మన్ అవార్డు, రాష్ట్రపతి అవార్డు, ప్రిన్సిపాల్స్ ఆనర్స్ అవార్డు, సబ్జెక్ట్ వంటి వివిధ విభాగాల కింద అవార్డులు, మెరిట్ సర్టిఫికేట్‌లను అందజేశారు.