దుబాయ్: ప్రజల భద్రతకు తీవ్ర ముప్పుగా పరిణమించేలా లైసెన్స్ లేని గ్యాస్ సిలిండర్లను విక్రయిస్తున్న తొమ్మిది మందిని దుబాయ్ పోలీసులు అరెస్టు చేశారు. 343 లైసెన్స్ లేని సిలిండర్లను కూడా అధికారులు స్వాధీనం చేసుకున్నారు. భద్రతా చట్టాలు, నిబంధనలను ఉల్లంఘించే అక్రమ వీధి వ్యాపారులను అణిచివేసేందుకు దుబాయ్ పోలీసులు కొనసాగుతున్న ప్రయత్నాల్లో భాగంగా ఈ అరెస్టులు జరుగుతున్నాయని దుబాయ్ పోలీస్‌లోని జనరల్ డిపార్ట్‌మెంట్ ఆఫ్ క్రిమినల్ ఇన్వెస్టిగేషన్ డైరెక్టర్ బ్రిగ్ హరిబ్ అల్ షమ్సీ తెలిపారు.  లైసెన్స్ లేని గ్యాస్ సిలిండర్లను విక్రయిస్తున్న నిందితులు వినియోగిస్తున్న రెండు వాహనాలను అధికారులు స్వాధీనం చేసుకున్నట్లు ఆయన తెలిపారు. సాధారణంగా సిలిండర్‌ల రవాణా, నిల్వ మరియు వినియోగానికి నిర్దిష్ట ప్రమాణాల ఉంటాయని  అల్ షమ్సీ చెప్పారు. లైసెన్స్ పొందిన, ఆమోదించబడిన విక్రేతల నుండి మాత్రమే సిలిండర్లను కొనుగోలు చేయాలని ఆయన  కోరారు.