రియాద్: సౌదీ పౌరులు, ప్రవాసులు సీజనల్ ఇన్ఫ్లుఎంజా వ్యాక్సిన్ తీసుకోవాలని ఆరోగ్య మంత్రిత్వ శాఖ కోరింది. సెహటీ అప్లికేషన్ 'సీజనల్ ఇన్ఫ్లుఎంజా వ్యాక్సిన్' సేవ ద్వారా టీకా అపాయింట్‌మెంట్ కోసం బుక్ చేసుకోవచ్చు. అన్ని ప్రాథమిక ఆరోగ్య సంరక్షణ కేంద్రాల నుండి ఇన్ఫ్లుఎంజా వ్యాక్సిన్ సేవలను అందించడం ప్రారంభించినట్టు తెలిపింది. వృద్ధులు వ్యాధులు, తీవ్రమైన ఇన్‌ఫెక్షన్ల సమస్యలకు వ్యతిరేకంగా వారి రోగనిరోధక శక్తిని పెంపొందించడానికి కాలానుగుణ వ్యాక్సిన్‌లను తీసుకోవాలని సూచించింది.   సీజనల్ ఇన్‌ఫ్లుఎంజా వ్యాక్సిన్ సురక్షితమైనదని తెలిపింది.  టీకా తీసుకోవడం, చేతులు కడుక్కోవడం, కళ్ళు నోటితో డైరెక్ట్ కాంటాక్ట్ నివారణ,  తుమ్మినప్పుడు లేదా దగ్గినప్పుడు టిష్యూలను ఉపయోగించడం సహా పరిశుభ్రతను పాటించడం ద్వారా సీజనల్ ఇన్ఫ్లుఎంజాకు వ్యతిరేకంగా నివారణ చర్యలు తీసుకోవచ్చని మంత్రిత్వ శాఖ వెల్లడించింది.