యూఏఈ: యూఏఈ ఉప ప్రధాన మంత్రి, రక్షణ మంత్రి దుబాయ్ క్రౌన్ ప్రిన్స్ షేక్ హమ్దాన్ బిన్ మొహమ్మద్ బిన్ రషీద్ అల్ మక్తూమ్ అక్టోబర్ 8 నుండి కువైట్‌లో అధికారిక పర్యటనకు వెళ్లనున్నారు.  ఈ పర్యటనలో దుబాయ్ క్రౌన్ ప్రిన్స్ ఉన్నత స్థాయి ప్రతినిధి బృందానికి అధ్యక్షత వహించనున్నారు.  ఈ పర్యటన యూఏఈ-కువైట్‌ల మధ్య బలమైన సోదర సంబంధాలను, వివిధ రంగాలలో వారి కొనసాగుతున్న సహకారాన్ని మరింత బలోపేతం చేయనుందని అధికార వర్గాలు తెలిపాయి.  ద్వైపాక్షిక సంబంధాలతోపాటు  ఉమ్మడి గల్ఫ్ సహకారాన్ని మరింత ప్రోత్సహించడానికి కీలకమైన రంగాలలో సహకారాన్ని మెరుగుపరచడానికి కొత్త అవకాశాలను అన్వేషించడం కూడా ఈ పర్యటన లక్ష్యం అని పేర్కొన్నారు.