సుధీర్ బాబు ఏం చేసినా అలాగే వుంటుంది మరి. కమర్షియల్ హంగులకు దూరంగా కంటెంట్ రిచ్ సినిమాలకు పెద్ద పీట వేసే హీరోల్లో సుధీర్ బాబు ముందు వరసలో వుంటాడు.
ఇటీవలే ‘హరోం హర’ అనే ఓ డిఫరెంట్ యాక్షన్ సినిమాతో వచ్చాడు. అలాగే ‘జటాధర’ అనే మరో యాక్షన్ పిలింలోనూ సుధీర్ బాబు నటిస్తున్నాడు.
ఈ శుక్రవారం తాజా తాజాగా ‘మా నాన్న సూపర్ హీరో’ సినిమాతో ప్రేక్షకుల ముందుకి వచ్చేస్తున్నాడు సుధీర్ బాబు.
షియాజీ షిండే ఈ సినిమాలో కీలక పాత్ర పోషిస్తున్న సంగతి తెలిసిందే. తండ్రి కోసం ఓ కొడుకు ఏం చేయడానికైనా సిద్ధమే. ఆఖరికి కొడుకు క్యాన్సర్ పేషెంట్ అని అబద్ధం చెప్పి అప్పులు చేసే తండ్రిని సమర్ధించడానికి నిజంగా తనకి క్యాన్సరే అని ఒప్పుకునే గొప్ప కొడుకు ఈ సినిమాలోని సుధీర్ బాబు పోషించే పాత్ర.
ట్రైలర్ చూస్తుంటే, కన్న తండ్రి ఒకరు, పెంచిన తండ్రి ఒకరు. పెంచిన తండ్రికే ఎక్కువగా సుధీర్ బాబు ప్రయారిటీ ఇస్తున్నట్లుగా కనిపిస్తోంది. అయితే ఈ ఇద్దరు తండ్రుల ముద్దుల కొడుకు కథేంటో తెలియాలంటే ‘మా నాన్న సూపర్ హీరో’ సినిమా చూడాల్సిందే.
అయితే, రెండు రోజుల ముందే ఈ సినిమా ప్రీమియర్స్ వేస్తుండడంతో సినిమా కంటెంట్‌పై చిత్ర యూనిట్‌ ఎంత నమ్మకంగా వుందో అర్ధం చేసుకోవచ్చు. రెండు రోజులు ముందే.. అంటే టాక్ ఏమాత్రం తేడా వచ్చినా అంతే సంగతి. కానీ, కంటెంట్‌పై ఎంత నమ్మకముంటే చిత్ర యూనిట్ ఈ నిర్ణయం తీసుకుంటుంది.!