మలయాల బ్యూటీ మాళవిక మోహనన్ యాక్షన్ మొదలెట్టేసింది. ఇటీవల ‘తంగలాన్’ కోసం ఓ డిఫరెంట్ మేకోవర్‌లో కనిపించిన మాళవిక మోహనన్ ఇప్పుడు యాక్షన్ షురూ చేసింది.
కార్తీ హీరోగా ‘సర్ధార్ 2’ తెరకెక్కుతోన్న సంగతి తెలిసిందే. ఈ సినిమాలో మాళవిక హీరోయిన్‌గా నటిస్తోంది. మాళవికపై కొన్ని యాక్షన్ సీక్వెన్స్ ప్రత్యేకంగా డిజైన్ చేశారట ఈ సినిమాలో.
వాటి కోసం కాస్త ఎక్కువగానే కష్టపడుతోంది మాళవిక. ఆ విషయాన్ని తన సోషల్ మీడియా హ్యాండిల్ ద్వారా తెలియజేసింది మాళవిక మోహనన్.
ఒంటి నిండా రోప్స్‌తో కట్టివేయబడిన కాస్ట్యూమ్‌తో వున్న ఫోటోస్‌ని షేర్ చేసి తన యాక్షన్ గురించి తెలుపుకొచ్చింది మాళవిక. ఈ ఫోటోలు నెట్టింట్లో వైరల్ అవుతున్నాయ్.
తెరపై ఎంతో అందంగా అద్భుతంగా కనిపించే ఈ సన్నివేశాల వెనక ఆర్టిస్టుల కష్టం ఏ రేంజ్‌లో వుంటుందో మాళవిక ధరించిన దుస్తులు చూస్తేనే అర్ధమవుతుంది. ప్రస్తుతం మాళవిక మోహనన్ ఒకవైపు తమిళంలో ‘సర్దార్ 2’లో నటిస్తూనే మరోవైపు తెలుగులో ప్రబాస్ సరసన ‘రాజాసాబ్’ సినిమాలోనూ నటిస్తున్న సంగతి తెలిసిందే.