కువైట్: అక్టోబరులో ప్రభుత్వ అప్లికేషన్ సాహెల్ ద్వారా 4.378 మిలియన్ల వరకు లావాదేవీలు జరిగాయని సర్వీస్ స్పోక్ పర్సన్ యూసుఫ్ కధేమ్ తెలిపారు. ముఖ్యంగా అక్టోబర్‌లో ఇంగ్లీష్ భాషలో సర్వీస్‌ను ప్రారంభించిన తర్వాత అప్లికేషన్ వినియోగదారుల సంఖ్య గణనీయంగా పెరిగిందన్నారు. గత నెలలో 12 కొత్త సేవలు కొత్తగా ప్రవేశపెట్టినట్లు పేర్కొన్నారు. అప్లికేషన్‌ను 78వేల మంది కొత్తగా డౌన్ లోడ్ చేసుకున్నారని, వీరిలో 93 శాతం మంది దేశ నివాసితులు ఉన్నారని తెలిపారు. ‘క్రిమినల్ రికార్డ్ సర్టిఫికేట్’ జారీ సర్వీస్ అక్టోబర్‌లో పెద్ద సంఖ్యలో ప్రజలు ఉపయోగించుకున్న టాప్ సర్వీస్ అని నిలిచిందన్నారు.